जिल्ला खेलकुद विकास समिति रामेछापले भन्यो–‘माघभित्र स्थानीय तहको, फागुनमा अन्तरपालिका स्तरीय राष्ट्रपति रनिङ्ग शिल्ड’

धादिङको शंखादेवी माविका सहायक प्रधानाध्यापक भैरव खाँड ठकुरी २५ कात्तिकमा आफ्ना विद्यार्थीसहित इलामको फिक्कलमा भेटिएका थिए । ठकुरीसहित चार शिक्षकले कक्षा ११ र १२ का ३५ विद्यार्थीलाई तीनदिने शैक्षणिक भ्रमणमा लगेका रहेछन् । ‘हाम्रो स्कुलले विद्यार्थीलाई यस्ता खालका भ्रमण गराउँदै आएको छ,’ नेपाली विषय पढाउने ४४ वर्षीय ठकुरीले भने, ‘शैक्षणिक विधि अनुसार नै विद्यार्थीलाई अध्ययन अवलोकन गराइन्छ । यस्ता भ्रमणबाट विविध जानकारी बटुल्नुका साथै विद्यार्थी फ्रेस पनि हुन्छन् ।’

जनकपुर जाने योजनामा रहेका उनीहरू त्यस दिन कोसी ब्यारेज हुँदै दार्जिलिङको सिमानासम्म पुगेर फर्केका रहेछन् । ‘उत्कृष्ट चिया उत्पादन गर्ने जिल्ला हो इलाम, यहाँ पशुपति नगर, फिक्कल, कन्याम आदि छन् । यसपालि विद्यार्थीको रोजाइमा इलाम नै परेको थियो,’ सहायक प्रधानाध्यापक ठकुरीले भने ।